کابل ټکی کام (سه شنبه، ۱۴ وری، ۱۴۰۳ل)
د راپورونو له مخې د غزې شمال کې د حماس اسلامي غورځنګ پوځي څانګې “القسام لوا” دوه اسرائیلي ټانکونه ویشتلي، چې په پایله کې یې ۳ صهیونیستي اشغالګر پوځيان وژل شوي او ګڼ نور ټپیان شوي دي.
د حماس غورځنګ پوځي سرچینو رسنیو ته ویلي، چې اسرائیلي ځواکونو د غزې له شمال څخه د تیښتې هڅه کوله، چې د دوی د ځواکونو له کمین سره مخ شوي او درنه مرګ ژوبله ور اوښتې ده.
د ویلو ده، چې اسرائیلو تر دې دمه د حماس غورځنګ د ادعاوو په هکله څه نه دي ویلي؛ خو یو شمېر اسرائیلي رسنیو خبر ورکړی، چې غزه کې یې حماس ځواکونو سره نښتو کې پوځیانو ته مرګ ژوبله اوښتې ده.
