کابل ټکی کام (چهارشنبه، ۱۵ وری، ۱۴۰۳ل)
د راپورونو له مخې د یمن وسله والو ځواکونو د یمن وسله والو ځواکونو د بحرین په سواحلو کې د امریکا یوه پوځي بېړۍ د بالستیک توغندیو په وسیله ویشتلې ده.
د یمن “المیسره” خبري آژانس د یمني حوثیانو د مقاومتي غورځنګ انصارالله د سرچینو په حواله خبر ورکړی، چې د امریکایي اشغالګرو یادې بېړۍ هڅه کوله، چې د یمن له سواحلو په پټه تېره او اسرائیلو ته وژونکې وسلې ولیږدوي؛ خو د دوی د ځواکونو لخوا په نښه او پشپړه توګه له مینځه یو وړل شوه.
د امریکایي ځواکونو د مرکزي قوماندانۍ سرچینو هم “نیوزیک” ته ویلي، چې د یمن په سواحلو کې یې پر یوې بیړۍ برید شوی؛ خو پکې د اوښتو زیانونو په هکله یې څه نه دي ویلي.
د ویلو ده، چې د یمن د وسله والو ځواکونو ویاند “یحیی سریع” یوځل بیا خبرداری ورکړی، چې ترڅو پر غزې د اسرائیلي ترهګرو او پر یمن د امریکا او برېتانیا ترهګریز بریدونه دوام لري پر وړاندې به یې د دوی بریدونه هم روان وي.
