سوريه کې د امريکايي ځواکونو پر پوځي اډې بريد شوی

کابل ټکی کام (شنبه، ۱۸ وری، ۱۴۰۳ل)

ایرنا خبری اژانس خبر ورکړی، چې نن مازدیګر د سوریې په شمال ختیځ د “دیرالزور” اړوند د ‘کونیکو” د ګازو زیرمو ترڅنګ دامریکايي ځواکونو پر سترې پوځي اډې د بالستیک او ډرون الوتکو برید شوی دی.

د دغې اډې له دننه څخه د څو زورورو چاودنو غږونه اورېدل شوي دي. دغه راز د چاودنې له ځای څخه اسمان ته لوګي پورته کېږي.

دا په داسې حال چې پرون د جمعې په ورځ هم د سوریې د ختیځ په “الطنف” سیمه کې د امریکا پر یوې بلې پوځي اډې د بې پیلوټه الوتکو بریدونه شوي و.

د ویلو ده، چې تر اوسه امریکایي اشغالګرو په یادونو بریدونو کې د اوښو مالي او ځاني زیانونو په هکله څه نه دي ویلي؛ خو د عراق د اسلامي مقاومت سازمان د یوې اعلامیې په خپرولو سره ادعا کړې ده، چې دواړوه بریدونه دوی کړي دي او اشغالګرو ته یې پکې درانه ځاني او مالي زیانونه اړولې دي.