کابل ټکی کام (یکشنبه، ۲۶ وری، ۱۴۰۳ل)
په داسې حال کې، چې د ایران-اسرائیلو ترمنځ روان کړکیچ مخ پر پراخېدو ده. ایراني رسنیو خبر ورکړی، چې هېواد یې په تل ابیب د دویم برید لپاره ۲۰۰۰ توغندي چمتو کړي دي.
تر دې وړاندې د ایران د وسله والو ځواکونو لوی درستیز خبر ورکړی و، چې هېواد یې د کړکیچ د پراخېدو په هڅه کې نه دی؛ خو که اسرائیل پرې ځوابي وکړي دوی چمتو دي چې ځپونکی او یو تاریخي ګذار ورکړي.
د نوموړي په خبره: زموږ برید کې د اسراییلو د دوه مهمو پوځي اهدافو په ګډون ګڼ شمېر اهداف ویجاړ شوي او دا د هغه څه غچ و، چې اسرائیلو سوریه کې ترسره کړل.
د ویلو ده، چې د ایراني پوځ لوی درستیز دغه راز امریکا، اردن، بحرین او ځینې نورو هېوادونو ته هم خبرداری ورکړی. که د دوی او اسرائیلو په شخړه کې ښکیل شي دوی به یاد هېوادونه او په سیمه کې د امریکا پوځي اډې په نښه کړي.
