کابل ټکی کام (جمعه، ۱۴ ثور، ۱۴۰۳ل)
د ترکیې د بهرنیو چارو وزارت ویلي، چې له اسراییلو سره یې ټولې ديپلوماتیکې او سوداګریزې اړېکې ځنډولې دي.
د ترکیې د بهرنیو چارو وزیر یوې خبري ناستې ته د خبرو پر مهال ویلي، چې یادې اړېکې د ولسمشر اردغان په امر ځنډول شوې دي.
له بل پلوه د اسراییلو د بهرنیو چارو وزیر “اسراییل کاټز” د ترکیې ولسمشر رجب طیب اردوغان تورن کړی چې د اسراییل د صادراتو او وارداتو په بندولو سره یې د دواړو هېوادونو ترمنځ تړونونه مات کړي دي.
دا په داسې حال کې ده، چې ترکیې د تېرې اپریل میاشتې په لومړیو کې اعلان کړی و، چې اسراییلو ته یې صادرات محدودي کړي.
د ویلو ده، چې پر غزې تړانګې د اسراییلي ترهګر ريژیم د حملو له پیل وروسته ترکیې په لومړي قدم کې له خپلې خاورې د اسراییلو سفیر شړلی و، چې په ځواب کې یې اسراییلو هم د ترکیې سفیر له خپل هیواد څخه وویست.
