کابل ټکی کام (سه شنبه، ۸ غبرګولی، ۱۴۰۳ل)
د حماس اسلامي غورځنګ د پوځي څانګې “القسام” ليوا یوې سرچینې د لبنان “المنار” تلویزیوني شبکې ته ویلي، چې د نیول شویو اسرائیلي پوځیانو په ډله کې یو یې لوړ پوړی قوماندان دی. یادې سرچینې ویلي، چې د صهیونیستي اشغالګرو دغه قوماندان غزه کې د سلګونو فلسطنیانو په مرګ ژوبله کې لاس لري او د ګڼو جوماتو، مدرسو، کلیساوو او نورو عامه تأسیاساتو په تخریب کې ښکیل و. د حماس دغې سرچینې که څه هم د یاد قوماندان د هویت او برخلیک په تړاو د نورو جزییاتو له ورکولو ډډه کړې ده؛ خو ویلي یې دي، چې دغه قوماندان د اسرائیلي پوځ د پرمختللې “ګولاني” لېوا سره اړېکه لري. د ویلو ده، چې وړمه ورځ د غزې تړانګې په شمال کې حماس ځواکونو د اسرائیلي پوځ یو شمېر سرتېري نیولي؛ خو لا یې هم د کره شمېرې په هکله جزییات نه دي ورکړي. د حماس غورځنګ د پوځي څانګې ویاند “ابوعبیده” په یو غږیز پیغام کې ویلي، چې په مناسب وخت کې به د نیول شویو پوځیانو شمېره اعلان کړي.
