کابل ټکی کام (چهارشنبه، ۲۳ غبرګولی، ۱۴۰۳ل)
د قطر د بهرنیو چارو وزارت د یوې اعلامیې په خپرولو سره ویلی دی، چې دغه هېواد د افغانستان د پرمختګ لپاره خپلو هڅو ته دوام ورکوي.
د کابل ټکی کام د راپور له مخې، نړیوالو رسنیو لیکلي دي، دغه اعلامیه په بروکسل کې د افغانستان په تړاو د اروپايي ټولنې د یو شمېر لوړپوړو چارواکو د غونډې په اړه د یاد هېواد د بهرنیو چارو وزارت له خوا صادره شوې ده.
په راپور کې راغلی دی، د اروپايي ټولنې یو شمېر لوړپوړو چارواکو په بروکسل کې د افغانستان په تړاو غونډه کړې.
په یاده غونډه کې د افغانانو لومړنیو اړتیاو ته پر پاملرنې او له افغانستان سره د مرستو پر چمتو کولو خبرې شوې دي.
