کابل ټکی کام (جمعه، ۱۵ چنګاښ، ۱۴۰۳ل)
د روسیې د دفاع وزارت خبر ورکړی، چې په تېرو ۴۸ ساعتونو کې يې د اوکرایني ځواکونو څو پوځي تجهيزات او يو ورکشاپ ويجاړ کړى دى. په همدې حال کې اوکراین ویلي چې له روسي ځواکونو سره یې په نښتو کې ۹۰ پوځیان وژل شوي دي. د سپوتنیک خبري آژانس د خبر له مخې روسي ځواکونو د دونيتسک په سیمه کې د باخموت ښار اوړوند د “چاسیو یار” په مهم او ستراتيژیک ښارګوټي ولکه کړې ده. د سپوتنیک د روسیې د دفاع وزارت په حواله ویلي، چې روسي ځواکونو پلازمېنه کېیف کې د اوکراین د وسلو جوړولو یو ورکشاپ په هوایي برید کې ویجاړ کړی ده.په ورته مهال کې د روسیې سمندري ځواکونو د درې اوکرایني کښتیو د ویشتلو ادعا هم کړې. دغه راز د روسیې د هوايي دفاعي سیستم د اوکراین د پوځ درې هیمارس سیستم راکټونه او د ۳۹ بې پیلوټه الوتکو د ویشتلو خبر هم ورکړی ده. د یادونې وړ ده، چې د باخموت ښار والي منلی، چې ځواکونه یې له خونړیو نښتو وروسته له “چاسیو یار” ښارګوټي وتلي دي.
