د حزب الله توغندیز بريدونه؛ ايلات بندر د ماتېدو په حال کې دی

کابل ټکی کام (چهارشنبه، ۲۷ چنګاښ، ۱۴۰۳ل)

په ۲۴ ساعتونو کې يو ځل بيا د لبنان حزب الله ډلې د اسرائيلو پر بېلابېلو ښارګوټو او د پوځ پر مرکزونو توغنديز بريدونه کړي او اسرائيلي رسنيو د دغو بريدونو له امله د زيان اوښتو خبرونه هم خپاره کړي، خو په اړه يې کره څه نه دي ويل شوي.ورته وخت کې د صهيونيستي رژيم خبري شبکو د ايلات بندر د يو مدير له قوله خبر ورکړی، چې د يمن له لوري توغنديز او ډرون بريدونه د دې لامل شوي، چې دغه بندر د ماتېدو له ګواښ سره مخ کړي.د يمن حوثي وسلوال دغه بريدونه د عراق د مقاومت له ډلې سره يوځاي له غزې د ملاتړ لپاره ترسره کوي او دغو ډلو تازه د يوې اعلاميې په خپرولو سره ويلي، چې په سره بحيره او مديترانې سمندرګي کې يې درې نورې کښتۍ هم په نښه کړي او ويشتلې دي.