د روسیې د پوځ سو ۲۵ ډوله جنګي الوتکه غورځېدلې

کابل ټکی کام ۱۱کب/۱۳۹۴، احمدالله مهاجر
د روسیې تاس نومي خبري اژانس د دفاع وزارت له قوله خبر ور کړی دی، چې د روسیې په سویل کې د سټاوروپول سیمه کې د دغه هېواد د پوځ سو ۲۵ ډوله جنګي الوتکه نسکوره شوې ده.
د روسیې دفاع وزارت ویلي دي، «الوتکه له مهماتو څخه ډکه وه، او په یوه دښته کې را غورځېدلې ده، چې پیلوټ یې خپل ژوند له لاسه ور کړی دی.»
دفاع وزارت ویلي دي، چې الوتکه د یوې هوايي اډې څخه د تعلیمي الوتنې په موخه پورته شوې وه، چې را وغورځېده.
دفاع وزارت ویلي دي، چې د الوتکې د غورځېدو لامل نه دی مالوم.
دفاع وزارت زیاته کړې ده، چې د کومانډو د متخصصینو یوه ځانګړې ډله یې د پېښې د څېړنې لپاره ګمارلې ده.