جنوبي لبنان کې ۵ صهیونیستي پوځیان وژل شوي
کابل ټکی کام (پنجشنبه، ۱۷ لړم، ۱۴۰۳ل)
د الجزیرې نړیوالې تلویزیوني شبکې د خبر له مخې جنوبي لبنان کې د یو لوړ پوړي اسرائیلي قوماندان په ګډون ۵ تنه صهیونیستي پوځیان وژل شوي دي.
د اسرائیلو ۱۲ خبري شبکې هم د پوځي چارواکو په حواله جنوبي لبنان کې خپل لوري ته د اوښتې مرګ ژوبلې پخلی کړی دی.
د یادونې وړ ده، چې د روان کال د اکتوبر له لومړۍ نېټې له هغه ورځې، چې صهیونیستي اشغالګرو په جنوبي لبنان بریدونه پیل کړي تر اوسه سلګونو اسرائیلي پوځیانو ته مرګ ژوبله اوښتې ده.
