کابل ټکی کام (شنبه، ۱۷ لیندۍ، ۱۴۰۳ل)
د سوریې حکومت مخالفې وسله والې ډلې “تحریرالشام” چې دا مهال د سوریې د حکومت په مقابل کې تر ټولو پیاوړې ډله ګڼل کېږي او په ځینو مهمو ښارونو یې ولکه کړې، د لبنان حزب الله غورځنګ څخه غوښتنه کړې، چې د اسد ريژیم په ننګه جګړه کې ګډون مکوئ.
د یادې ډلې مشر “ابو محمد الجولاني” CNN تلویزیوني شبکې سره په یوه ځانګړې مرکه کې ویلي، چې هدف یې د بشارالاسد د ريژیم نسکورول دي او د حزب الله په ګډون له ټولو حکومت ملاتړو ډلو جدي غوښتنه کوي، چې د سوریې کورنۍ جګړه کې ګډون ونکړي.
د نوموړي په خبره د اسد ريژیم وخت پای ته رسیدلی او دوی نه غواړي، چې راتلونکې کې لبنان یا کوم بل هېواد سره یې دیپلوماتیکو اړېکو کې خنډ رامنځته شي.
