کابل ټکی کام (پنجشنبه، ۲۲ لیندۍ، ۱۴۰۳ل)
تېره ورځ پلازمېنه کابل کې د افغانستان اسلامي امارت د ګډوالو او بیرته راستنېدنکو چارو وزير د يو ځانمرګي بريد په پايله کې په شهادت ورسيد او د غه بريد ته د غبرګونونو په دوم د حزب اسلامي مشر ګلبدين حکمتیار هم دغه بريد غندلی او د حاجي خليل الرحمن شهادت يې افغان ملت ته يوه ستره ضايعه بللې ده.
د ښاغلي حکمتيار له لوري د تعزيت په هکله خپره شوې اعلاميه کې راغلي:«شهید خلیل الرحمن حقانی د شهادت په مناسبت تاسو، ستاسو د درنې کورنۍ ټولو غړو او ټولو هغو دوستانو او عزیزانو ته مو تسلیت وړاندي کوم چی په دې غم کي له تاسو سره شریک دي؛ موږ او ټول مؤمن افغانان؛ په دې ستر غم کي درسره یو.
شهید حاجی خلیل الرحمن خپل ژوند د اسلام په لار کي وقف کړی وو، د شوروي ځواکونو په خلاف جهاد کی ئې فعاله برخه وه. یقیناً چي د ده په شهادت سره افغان ولس له یوه مخور مجاهد محروم شو. الله جل شأنه دي هغه ته مغفرت وکړي، دوی دي د مجاهدینو، غازیانو او شهیدانو په صف کي حشر او په جنت کي ئې درجې لوړي کړي، تاسو ته دي اجر او صبر در په برخه کړي او هغه تشه چي د ده په وفات سره د افغان ولس د واقعي او مخلصو شخصیتونو په صف کی راپیدا شوې؛ الله تعالی دي هغه په خپل فضل او کرم سره په مؤمنو مجاهدو شخصیتونو ډکه کړي، د ده او ټولو شهيدانو، غازيانو او مؤمنو افغانانو نېک آرمانونه دي په دنیا او آخرت کي تر سره کړي. په لوى الله مو سپارم.»
