حوت ۱۳, ۱۳۹۴. فريد احمد
د فارياب ولايت دغه ملکي وګړي د جګړو له ويرې ځينو امنو سيمو او ګاونډيو ولايتونو ته مهاجر شوي دي .
بې ځايه شوي کسان وايي ، چې تر اوسه پورې د دولت له خوا دوى ته هيڅ پاملرنه نه ده شوې .
یو تن چې له خپلې مېرمنې او دوو ماشومانو سره د پښتون کوټ ولسوالۍ د خواجه موسى له ساحې څخه د ميمنې ښار ته تللى دى؛ وايي چې د خوړلو لپاره ډوډۍ او د اوسيدو لپاره ځاى نه لري، ده له دولت څخه وغوښتل چې له بې ځايه شويو خلکو سره مرسته وکړي.
په همدې حال کې د فارياب ولايت د مهاجرينو د راستنولو رياست مسؤلين وايي چې د دولت او يوشمېر مرسته کوونکو بنسټونو په همکارۍ يې د جګړې له بېځايه شويو سره د مرستې بهير پيل کړى دى .
د دغه رياست يو تن چارواکي رسینوته وويل چې د بې ځايه شويو شمېر ٦٠٠ کورنيوته رسيږي ، چې په يوه وخت له هغوى سره د مرستې رسول ناشونى کار دى .
تېره میاشت له هلمنده هم یوشمیر کورنۍ د جګړو له ویره له خپلو کورونو بې ځایه شوې وې، چې تر اخيره پورې ورسره چا مرسته ونه کړه .
