کابل ټکی کام (سه شنبه، ۷ حوت، ۱۴۰۳ل)
د افغانستان د کار او ټولنیزو چارو وزارت د روژې مبارکې میاشتې پر مهال د مرکز او ولایتونو په کچه د دولتي ادارو د کارکوونکو د کار پیل او پای وختونه اعلان کړي دي.
ياد وزارت ويلي، چې د روژې پر مهال کاري ساعتونه به د پنجشنبې ورځې په ګډون به د سهار له ۹:۰۰ بجو پیل او د ماسپښین تر ۲:۰۰ بجو به دوام لري.
همداراز، وزارت زیاته کړې چې تولیدي او خدماتي موسسې، تل فعال سکتورونه، نشراتي بنسټونه، روغتیايي مرکزونه، ښوونیزې او روزنیزې ادارې او د لوړو زده کړو موسسې باید د خپلو کاري او اقلیمي شرایطو ته په کتو د خپلو کارکوونکو د کار مهالویشونه تنظیم کړي.
