کابل تکی کام (چهار شنبه، ۱۵ کب، ۱۴۰۳ل)
د راپورونو له مخې، د بغلان د قند يا بورې فابریکې له څو کلونو ځنډ وروسته یو ځل بیا فعاله او په تولید يې پيل وکړ.
د يادې فابریکې د پرانېستلو په مراسمو کې د بغلان والي وویل، دا فابریکه له کلونو راهیسې بنده وه، خو د بیا رغونې چارې یې یو کال وړاندې بشپړې شوې او نن یې رسماً فعالیت پیل کړ.
نوموړي وويل، ياده فابريکه ملي شتمني ده او په بيا فعاليدو سره يې د هېواد اقتصاد پياوړی او ځوانانو ته د کار فرصتونه برابر شول.
د دغې فابریکې اجرائیوي مسوول، ډاکټر نجیب الله دوراندیش وایي، چې اوس دا فابریکه کولی شي په ۲۴ ساعتونو کې له ۷۰۰ څخه تر ۸۰۰ ټنو پورې بوره تولید کړي.
