د افغانستان د سفارت په هڅو د متحده عربي اماراتو له زندانونو ۵۴ تنه افغانان راخوشې کېږي
کابل ټکی کام (شنبه، ۹ وری، ۱۴۰۴ل)
د ا.ا.ا. د بهرنیو چارو وزارت په يوه خبرپاڼه کې ويلي، چې د دغه وزارت او په ابوظبي کې د افغانستان سفارت د پرله پسې هلو ځلو په پایله کې د متحده عربي اماراتو له بېلابېلو بندخونو د ۵۴ تنو هېوادوالو د راخوشي کېدو هوکړه شوې ده.
په خبرپاڼه کې د اسلامي امارت له لوري د اماراتو د دولت له رییس ښاغلي شیخ محمد بن زاید آلنهیان مننه شوې، چې د روژې په دې مبارکه میاشت کې یې ياد شمېر بندي افغانانو د خوشې کولو هوکړه وکړه او زياتوي چې د متحده عربي اماراتو دا ګام د دوستانه اړيکو څرګندونه ده.
