کابل ټکی کام (پنجشنبه، ۱۱ غویی، ۱۴۰۴ل)
د راپورونو له مخې د یمن وسله والو ځواکونو سره سمندر کې درې امریکایي بیړۍ د بې پیلوټه الوتکو او بالستیک میزائیلو پر مټ ویشتلي دي.
د یمني ځواکونو ویاند جنرال یحیی سریع دغه راز ادعا کړې، چې ګڼې امریکایي بیړۍ د سرې بحیرې شمال ته د سویس کانال په لورې ددوی د ډرون الوتکو او بالستیک میزائیلو له ویرې تښتیدلي دي.
یحیی سریع ویلي له دې سره یې د امریکایي اشغالګرو هغه ستر برید ناکام کړی، چې غوښتل یې د درې سترو پوځي بیړیو پر مټ یې په یمن باندې ترسره کړي.
د یمني ځواکونو ویاند دغه راز ویلي، چې د اسرائیلو په یافا او عسقلان کې یې دوه مهم پوځي اهداف په بریالیتوب سره په بالستیک میزائیلو او بې پیلوټه الوتکو په نښه کړي دي.
