کابل ټکی کام (شنبه، ۱۳ غویی، ۱۴۰۴ل)
د یمن وسله والو ځواکونو خبر ورکړی، چې د فلسطیني ولس د ملاتړ په دوام کې یې د اشغال شوي فلسطین په “یافا” ښار کې یې د اسرائیلي پوځ پر مهمو پوځي اهدفو د “فلسطین ۲” نومې بالستیک توغندي بریدونه کړي دي.
د یمني پوځ د ویاند “جنرال یحیی سریع” له لوري په خپره شوې اعلامیه کې ویل شوي چې یاد توغندي خپل هدف ته په بریالیتوب سره رسېدلي او د اسرائیلي دفاعي سیستمونو یې په مخنیوي کې پاتې راغلي دي.
اعلامیه زیاتوي چې دا اقدام د غزې پر اوسېدونکو د روانو بریدونو، چې د اسرائیل له لوري د امریکا په ملاتړ ترسره کېږي، پر ضد د یمني ولس او حکومت د دریځ څرګندونه کوي.
د ویلو ده، چې یمني ځواکونو یوځل بیا خبرداری ورکړی، چې غزه کې روان وضعیت که دوام ومومي، نو اغېزې به یې نور اسلامي هېوادونه هم وځپي، او دښمن به نور هم په سیمه کې خپل بریدونه پراخ کړي.
