کابل ټکی کام (سه شنبه، ۱۱ وری، ۱۴۰۴ل)
د امربالمعروف، نهی عن المنکر او شکایتونو اورېولو وزارت وايي، چې د دغه وزارت محتسبینو د کابل، تخار، سمنګان او دایکندي په ولایتونو کې د دیني عالمانو او قومي مشرانو په منځګړیتوب د کورنیو تر منځ راپورته شوې اته شخړې هوارې کړې دي.
دغه وزارت وايي يادې ستونزې د کورنیو تر منځ د ټولنیزو اختلافونو او ناوړه دودونو له امله رامنځته شوې وې.
خبرپاڼه زیاتوي چې د محتسبینو په هڅو دا اوږدمهالې لانجې د خبرو اترو له لارې پای ته رسېدلې او اړخونه سولې ته قانع شوي دي.
د امربالمعروف وزارت په وینا، د محتسبینو فعالیتونو له امله یوازې په تېره یوه میاشت کې په هېواد کې لسګونه لویې او وړې دښمنۍ مخنیوی شوی دی.
