د اسرائیلو د نوې پرېکړې له مخې، د فلسطینیانو جنازې به د هغوی کورنیو ته نه سپاري
کابل ټکی کام ۱۰حمل/۱۳۹۵، سمسور ګیلاني
د اسرائیلو د ۲ټلویزیون خبر ورکړی دی، چې د اسرائیلو لومړی وزیر نتنیاهو دفاع وزارت ته امر کړی دی، تر څو د فلسطینیانو جنازې د هغوی کورنیو ته د سپارلو چارې ودروي.
نتنیاهو ویلي دي، ځکه یې داسې پرېکړه کړې ده، چې د جنازو د مراسمو پر مهال د فلسطینیانو او اسرائیلي پوځیانو تر منځ نښتې زیاتې شوي.
باید ووایو، چې په دې وروستیو کې د فلسطینیانو له لورې پر اسرائیلي پوځيانو باندې د چړو په مټ بریدونه زیات شوي دي.
د یادولو ده، چې د اسرائیلو د لومړي وزیر نتنیاهو دغې انسان ضدې پرېکړې ګڼ غبرګونونه را پارولي دي.
