جان کیري له کابل وروسته جاپان ته رسېدلی
کابل ټکی کام ۲۲حمل/۱۳۹۵، سمسور ګیلاني
د امریکا د بهرنیو چارو وزیر جان کیري د کابل له سفر څخه وروسته جاپان ته نن یکشنبه رسېدلی دی.
جان کیري جاپان ته د ۷ سترو اقتصادي قدرتونو په غونډه کې د ګډون لپاره تللی دی.
دغه غونډه چې د جي۷ په نوم سره یادیږي، دوه ورځې به په هیروشیما کې دایره شي.
په دغه غونډه کې به د ترورېزم، اوکراین، شمالي کوریا، منځنی ختیځ او د پناه غوښتونکو د بحران په شمول به د نړۍ پر یو شمېر مهمو مسألو خبرې اترې وشي.
خبرونه وايي، چې په دغه غونډه کې به د اوو سترو اقتصادي قدرتونو (برتانیه، کاناډا، جرمني، ایټالیا، جاپان او فرانسه) د بهرنیو چارو وزیران ګډون کوي.
ویل کیږي، چې جان کیري د امریکا تر ټولو د یوه لوړ پوړي چارواکي په توګه به په تاریخ کې د نړۍ د اټمي بم لومړنیو قربانیانو ته درناوی په ځای کړي.
د یادولو ده، چې په ۱۹۴۵میلادي کال د اګست په ۶مه نېټه په هیروشیما ایالت کې د امریکا بې-۲۹ الوتکې اټمي بم وغورځوو، او له دې بم غورځولو درې ورځې وروسته بل اټمي بم د جاپان ناګاساکې ښار کې وغورځېدو، چې د دغه ښار د مکمل وېجاړېدو ترڅنګ ۸۰ زره تنه ووژل شول.
