کابل ټکی کام ۲۳حمل/۱۳۹۵، احمدالله مهاجر
نن (دوشنبه) شاوخوا ۴ بجې د ننګرهار ولایت د سره رود ولسوالۍ دوه لاري ته څېرمه په سبزاباد سیمه کې د ملي اردو پر کاسټر موټر سرتېری برید وشو، چې له کبله یې پنځوس کسان مړه او ژوبل شول.
مازدېګر ناوخته پورې د پېښې د قربانيانو هويت نه وو په ډاګه شوى، چې وروسته د ننګرهار د والي ویاند عطاالله خوږیاڼي رسنیو ته د پېښې پخلی وکړ، او ویې ویل، چې په دغه پېښه کې وژل شوي ټول نظامیان دي.
خوږیاڼي رسنیو ته د پېښې د جزئیاتو ورکولو پرمهال وویل، چې په دغه پېښه کې دوولس سرتیري وژل شوي، او ۳۸ نور ټپیان دي.
نوموړي د یو شمېر سرتېرو روغتیایي حالت د اندېښنې وړ بللی دی.
د خوږیاڼي له قوله، سرتېری بریدګر چې په یوه زرنج موټرسایکل کې یې بارود ځای پر ځای کړي وو، د ملي اردو د جلب او جذب کاسټر موټر ته څېرمه یې ځان ته چاودنه ورکړه.
باید ووایو، دغه سرتېري چې ملي ادرو د جلب او جذب څخه وو، نوي جذب شوي کسان وو.
د یادولو ده، چې د پېښې مسئولیت تراوسه پورې چا نه دی منلی.
