بلجیم د پارېس د بریدونو تورن (صالح عبدالسلام) فرانسې ته تسلیم کړ
کابل ټکی کام ۰۹غويي/۱۳۹۵، سمسور ګیلاني
نړیوالو خبري رسنیو خبر ورکړی دی، چې بلجیم د پارېس په بریدونو کې تورن صالح عبدالسلام فرانسې ته سپارلی دی.
صالح عبدالسلام د فرانسې پلازمینه پارېس کې په بېلابېلو بریدونو تورن دى.
د عبدالسلام په دغو بریدونو کې ۱۳ کسان وژل شوي وو.
عبدالسلام چې ۲۶ کاله عمر لري، فرانسوي الاصله او په بلجیم کې زېږېدلی دی.
د روان کال د مارچ میاشتې په ۱۸مه نېټه د بلجیم پلازمینه بروکسل کې نیول شوی وو، چې دا مهال بلجیم فرانسې ته وسپارلو.
ویل کیږي، چې له صالح عبدالسلام څخه دا مهال ګرویږنې پوښتنې روانې دي.
د یادولو ده، چې د صالح عبدالسلام له نیول کېدو وروسته په بروکسل کې بریدونه وشول، چې ۳۲ کسان پکې ووژل شول.
