د افغانستان په شمال کې د دوستم او جمعیت ملېشو ترمینځ حالات ترینګلي شوي دي
کابل ټکی کام فرید احمد
تېره ورځ ښاغلی عطامحمد نور د بلخ سرپرست والي په خپله فیسبوک پاڼه، د دوستم د جنبش ملېشه د دوی د یوه قمندان په وژلو تورنه کړې وه او دوستم ته یې د یوه ظالم خطاب کړی و، او د غچ اخیستو راپورنه هم رارسیدلي و.
ددې په غبرګون کې د فاریاب والي سیداسدالله سادات په خپله یوه بیانیه کې د عطا محمد نور خبرې غندلي او هغه یې یو نادان، او د دولتي اصولو ناخبره انسان یاد کړی دی.
د فاریاب والي وایي، چې دا شپږ میاشتې کیږي چې د دې ولایت والي دی خو پدې پوهیږي چې ځان د یوه والي په صفت بې طرفه ونیسي، او دده له قوله دا ځکه چې د جنرال دوستم د فکري مکتب زده کوونکۍ دی.
ښاغلي سادات زیاته کړې ده، هر هغه چاته احترام لري چې د طالبانو په خلاف تېږه(ډبره) واروي.
نوموړی عطانور ته ګواښ کوي چې نه باید د نورو په ولایتونو کې مداخله وکړي.
سادات، عطانور څخه د پوښتنې په ډول یادونه کوي: (تا تراوسه پورې په بلخ کې د جنبش پخوانیو قومندانانو ته د ساه ښکلو اجازه ورکړې ده؟)
دی وايي چې د تېرې شپې جګړه د المار ولسوالۍ د چغاتک په سیمه کې د جنبش او جمعیت ترمینځ د خپل مینځي اختلافاتو له وجې چې د جنبش کسان یې له کوم ځایه شړلي وو، او هغوی غوښتل بېرته خپلو ځایونو ته ولاړ شي شوې ده چې وروسته د جنرال فاروق قاطع او د جنبش د کسانو ترمینځ اخ ډب ونېښت چې یاده پېښه رامینځ ته شوه.
د اعلامیې په پای کې د فاریاب والي سادات له نور څخه په شدت غوښتنه کړې، که فاریاب ته دې فایده نه رسیږي نو ضرر هم مه ورته رسوه.
