کابل ټکی کام ۱۳۹۵ غبرګولی۱۱ عبدالهادي همت
د پکتیکا ولایت د امنیت امر سمونمل عبدالرووف مسعود شمشاد تلویزیون ته ویلي: د زېړوک ولسوالۍ ودانۍ له تېرې شپې راهیسې له څلورو خواوو څخه د سلګونو طالبانو لخوا کلابنده شوې او په سیمه کې سخته جګړه روانه ده.
سمونمل عبدالرووف مسعود وايي: د دواړو خواو ترمنځ جګړه د سهار له لسو بجو راهیسي سخته شوې ده. د نوموړي په خبره، په روانه جګړه کې تراوسه یوازې یو پولیس ټپي شوی خو ګڼ شمېر طالبانو ته مرګ ژوبله اوښتې ده. بلخوا د سیمې خلک وايي، د جګړې له پیله تر اوسه د زېړوک ولسوالی لویې لارې تړلي او خلک له ګڼو ستونزو سره مخامخ دي، خو امنیه قوماندانۍ ډاډ ورکوي، چې د تازه دمو سرتېرو په ورسېدو سره به لارې پرانیستل شي. طالبانو تر اوسه په دې اړه رسنیو ته څه نه دي ویلي.
