خوږیاڼو کې د قومندان په شمول څلورو محلي پولیسو ته مرګ ژوبله اوښتې

کابل ټکی کام ۱۳۹۵ غبرګولی ۱۳ عبدالهادي همت

پېښه بیګا ماښام  د ننګرهار ولایت  خوږیاڼو ولسوالۍ کې د محلي پولیسو قومندانۍ کې دننه د یوه تکتیکي چاودنې په توسط رامنځته شوې،  چې په کې درې محلي پولیس ووژل شو او قومندان محمد زمان  سخت ټپي شو.

د پېښې له ځای څخه زمونږ خبریال کابل ټکی کام ته وویل چې قومندان محمد زمان په ټپي حالت کې د جلال اباد ښار صحت عامې روغتون ته ویوړل شو. نوموړي زیاته کړه چې ځايي طالبانو د یاد برید مسوولیت منلی او ګواښ یې کړی چې  د نفوذي مجاهدینو له لوري  به نور ورته بریدونه هم وکړي.

دا په داسې حال کې ده چې یوه ورځ مخکې هم د یادې ولسوالۍ د محلي پولیسو عمومي قومندان سرجنګ په یوه بمي چاودنه کې ووژل شو.

حکومتي چارواکو تر اوسه رسنیو ته په دې اړه څه نه دي ویلي.