کابل ټکی کام ۳۱غبرګولي/۱۳۹۵، احمدالله مهاجر
د بدخشان ولایت د کشم ولسوالۍ په بازار کې د یوه ځای پر ځای شوي ماین په مټ چاودنه رامنځته شوه، چې له کبله یې ګڼو ملکي وګړو ته مرګ ژوبله واوښته.
ځایي چارواکو ویلي دي، چې اته کسان وژل شوي دي، خو د بدخشان د روغتیايي مرکز مشر ویلي وو، چې ښایي د مرګ ژوبلې کچه تر سلو پورې ورسیږي.
یو شمېر دولتي رسنیو دغه برید د طالبانو له لورې بللی دی، مګر دا مهال د طالبانو مخکښ ویاند ښاغلي ذبیح الله مجاهد کابل ټکي کام ته په رالېږلي پیغام کې دغه برید په کلکو ټکو غندلی دی، او ویلي یې دي، چې دا ډول بې هدفه بریدونه په دوی پورې اړه نه لري.
ښاغلي مجاهد ویلي دي، دا ډول بدناموونکي بریدونه چې هدف یې معلوم نه وي، په کلکه توګه غندي.
د یادولو ده، هغه چاودنې چې ډېری تلفات یې ملکي وګړو ته اوړي، یا په هېواد کې د پیدا شویو اختطافګرو له لورې، او یا هم په مرکزي حکومت کې دننه د توکم پالو چارواکو له خوا ترسره کیږي.
