ليکوال: نقيب الله(احمدي)
کله چې امريکا په افغانستان باندې پوځي يرغل وکړ, نو دوی تر هر څه د مخه ځينې ليکولان, ژورناليستان, د پوهنتونو استادان او قومي مشران د مختلفو بديلو په مقابل کې د خپلې دايرې په محور وڅرخول او د خپلو شومو اهدافو, پاليسيو او پلانونو عملي کولو ته يې اماده کړل.
ځکه امريکايانو د روس او انګريز د يرغل څخه دا تجربه لاسته راوړې وه, چې په مستقيمه توګه د افغانانو ماتول ناشوني دي او دغو استعمار لاندې افغانان ته يې داسې درس په غوږو کې ورپېچکارۍ کړ, چې ګويا موږ پوځي يرغل نه دی کړی، بلکې زموږ راتلل افغانستان ته يو سوله ايز پيغام له ځان سره لري، خو د پردې تر شا نور څه تېريدل ؟.
هغه دا چې دوی فکري, فرهنګي, سياسي او پوځي جګړې په ډېر مهارت او تکتيک سره ترتيبولې او د همدغو استعمار لاندې ليکوالانو, ژورناليستانو, قومي مشرانو او استادانو پواسطه يې د ميليونونو ډالرو په مقابل کې په مختلفو نومونو او پروژو سره عملي کړلې.
غربيان په دې پوهيدل, چې که چېرې دغه سيکولر ليکوالان, ژورناليستان او قومي مشران ايل او قابو نه کړي, نو دوی به ډېر په چټکۍ سره زموږ د استعمار مخه ونيسي او د روس او انګريزانو په څير به د افغانانو د ملي قيام سره مخ شو, همغه وو چې دغه طبقه کسان يې غلامان او لکه وحشي حيوانات خريداري او وروزل.
اوس امريکايان په ارامه سينه ورته خوب کوي او افغان سيکولران لکه ليوني سپي په ډېر چل او فريب نور افغانان داړي.
انګريزانو هم په افغانانو فکري هڅې نه دي سپمولې، هغوی خپل کفري کتابونه وژباړل او افغانستان ته يې راوړل.
همدارنګه روس هم خپل الحادي او کمونيستي کتابونه وژباړل او له ځان سره يې افغانستان ته راوړل, خو دغو کتابو ولې په افغانانو اثر ونکړ؟ ولې افغانانو الحاد ته مخه نکړه, ولې يې خپل ديني مقدسات پرې نه ښودل او ولې يې په ښکاره او پټه لکه نن کفر انتخاب نکړ؟ ځکه هغه وخت زموږ ليکوالان, رهبران, ژورناليستان او قومي مشران خپلواک وو او په خپلو افغانانو کې يې د غيرت ولولې راوپارولې, ځوانان يې د مقاومت په روحيه سمبال او د اسلام ريښتني علمبرداران يې جوړ کړل, خو امريکا د افغانانو دغه اهم قشر لومړی په غربي نظرياتو او افکارو وروزلو او په دوهم قدم کې دغو د اسارت لاندې افغانانو په مټو خپل کرغيړن پلانونه او خواستې, د غفلت په خوب ويدو افغانانو باندې عملي کړل او خپل پلان شوي هدف ته ورسيدل.
