کابل ټکی کام ۰۴چنګاښ/۱۳۹۵، انصار
د بېلابېلو راپورونو پر اساس، په مرکز او ولایاتو کې په دولتي او غیر دولتي ادارو کې د ښځو ونډه مخ په کمېدو ده.
د ښوونې او روزنې د وزارت د معلوماتو له مخې، دا مهال په هېواد کې ۹ میلیونه زده کوونکي په زدکړو بوخت دي، چې درې نیم میلیونه یې نجونې پوره کوي.
په ښوونیزو ادارو کې د ښځو د ونډې په اړه ویل شوي دي، چې د هېواد په ۹۲زره استادانو کې د ښځینه استادانو شمېره ۲۸سلنه پوره کیږي، په قضا کې د ښځینه قاضیانو شمېر۲۴۰ ته رسیږي، او د ټول هېواد په کچه ۳۷۰۰ ډاکټرانې په دولتي روغتونونو او شخصي کلینکونو کې کارکوي.
په دولتي او غیر دولتي ادارو کې د ښځو د ونډې کموالی په هېواد کې نا امني ښودل شوې ده، چې د کابل مرکز او ولایاتو د ښارونو علاوه په نورو سیمو کې ښځو ته کار کول له ستونزو ډک تمامیږي.
