اسلامي امارت په لغمان کې له بېوزلو کورنیو سره مرستې کړي
کابل ټکی کام ۱۳۹۵ چنګاښ ۵ زرغون خوږیاڼی
د اسلامي امارت په خپره شوې خبر پاڼه کې راغلي، چې د دوی د شهيدانو او معلولینو ادارې لخوا د لغمان ولایت مرکز اړوندو سیموکې له ګڼو بې وزلو کورنيو سره د خوراکي توکو مرستې وشوې.
درارسیدلي خبر له مخې د يادې ادارې غړوتیره ورځ د یاد ولایت مرکز اړوند و یو شمیر سیمو کې، په لسګونو بې وزلو کورنیو د اړتیاوړ خوارکي مواد وویشل.
په دې خوراکي توکو کې غوړي، بوره، وريژې، اوړه او نور خوراکي مواد شامل دي.
د یادونې وړ ده، چې د روژې مبارکې میاشتې په رارسېدو سره طالبانو د هېواد په زیاتو ولایتونو او ولسوالیو کې د بیوزلو، یتیمانو او بې سرپرسته کورنیو سره د خوراکي توکو مرستې پیل کړي، چې پرون یې دا لړۍ تر لغمانه هم راورسېده.
طالبانو ویلي، چې د مرستو دا لړۍ به نور هم دوام وکړي.
