طالب پلوه پولیس د خپلې پوستې دوه پولیسان وژلي دي
کابل ټکی کام ۱۳۹۵چنګاښ ۲۳ بصیر احمد
دهلمند ولایت دګرشک ولسوالۍ د نهرسراج د شیندک مانده په سیمه کې پرون ماذدیګر یو تن پولیس په پوسته کې دننه دوه تنه پولیس ووژل او له یو میل کلاشینکوف سره یې تر طالبانو ځان ورساوه. د هلمند ولایت مسئولو چارواکو پدې اړه رسنیو ته څه نه دي ویلي خو طالبانو د یو خبر په ترڅ کې ویلي چې پولیس د دوی نفوذي مجاهد وه چې په بریالیتوب سره یې خپل کار ترسره او له یو میل کلا شینکوف سره تر مونږ راورسیده د دفاع او کورنیو چارو وزارتونه له څلورو کلونو راهیسې پرلپسې هڅې کوي چې د طالبانو د نفوذي کسانو مخه ونیسي خو تر اوسه پدې کار کې بریالي شوي ندي دا وجه ده چې په دولتي نظامي لیکو کې یو تربله سخته بې باوري را ټوکیدلي ده.
