عشقه انګار ته ورکوم غېږه خاطر دي ګران دی
چې په لمبو کې منزل وینم دا تاثیر دي ګران دی
په ما خواره دي ستا دمیني بې حساب رنګونه
د حقیقي میني څرګند هر یو تصویر دی ګران دی
ما دي لیدلي چې سوځلي ستا په نوم پتنګان
اې محبته بې له شکه پاک مسیر دي ګران دی
یمه پیوند ستا له وجود سره کړۍ په کړۍ
له دې کړیو پیوند شوی ټینګ ځنځیر دي ګران دی
چې ستا لپاره شم ستي ایره د ؤور غېږه کې
پوه شه چې ماته ستاقسمت همدا تقدیر دي ګران دی
عشقه دردونه تکلیفونه دي قبول (فتحان) ته
وي تل بدخابه ستا لپاره هرشبګیر دي ګران دي
