کابل ټکی کام ۱۳۹۵ زمري۱ بصیراحمد پاڅون
د رارسېدلي خبر له مخې نن غرمه د پروان ولایت سیدخیل ولسوالۍ په انچو سیمه کې عسکرو پر هغه کسانو ناتاره ډزې کړي چې د جنازې له مراسمو څخه وروسته خپل کلي ته په راستنیدو و.
د عسکرو په ډزو کې ۶ تنه بیګناه هیواوال شهیدان شوي او ۱۵ تنه نور ټپیان شوي دي.
دسیمي خلک وایي مونږ د برید په هیڅ علت نه پوهیږو چې ولې عسکرو پر مونږ ډزې وکړې او بیګناه یې په وینو کې لت پت کړو.
د پروان ولایت چارواکو او د کورنیو چارو وزارت تر دې وخته پدې اړه رسنیو ته څه ندي ویلي.
له دې وړاندې د پروان په ولایت کې ځینو تاجک متعصبینو پر هغو پښتنو کورنیو چې په پروان کې کورونه او جایدادونه لري د تذکرو په ویش بندیز لګولی او نه غواړي چې پښتنو ته د پروان په ادرس تذکرې ورکړل شي.
