کابل ټکی کام ۱۳۹۵ زمری ۷ بصیراحمد پاڅون
د غزني ولایت امنیه قوماندان جنرال امین الله امرخیل ویلي چې اختر کوچی د غزني ښار اړوند زرګرو په سیمه کې د ګزمې پر وخت له خپلو دوو تنو ساتونکو سره یوځای وژل شوی دی.
امرخیل ویلي چې د دې پیښې په تړاو یې د دوهمې حوزې آمر څارمن رمضان علي له دندې ګوښه او څارنوالۍ ته معرفي کړی دی.
طالبانو د اختر کوچي د وژنې پړه منلي او ویلي یې دي چې د غزني په ښار کې یې اختر کوچي ته کمین نیولی و چې له دوو ساتونکو سره یوځای یې وواژه ، درې میله وسلې او پولډر موټر یې هم ترې بیولی دی.
د غزني ښار اوسیدونکی ریدي خان وایي چې اختر کوچی په ظلم ، بیرحمۍ او بد اخلاقي مشهور و او د ډیرو خلکو عزتونه یې لوټ کړي و.
د غزني په ښار کې طالبان په خاموش ډول مسلط دي، پولیس او د اردو عسکر یې تر اوسه په مخنیوي کې مطلق پاتې راغلي دي.
