ترکیه: په چاودنو کې ۵ عسکر ووژل شول
کابل ټکی کام ۱۳۹۵ زمری ۷ زرغون خوږیاڼی
د ترکیې رسنیو ویلي، چې د ترکیې په سیرت ولایت کې د سرک پر غاړه د ځای پر ځای شوي ماین په چاودنه کې د ترکيې ۳ عسکر ووژل شول او ۲ تنه نور یې ټپیان شول.
همدارنګه یو بله برید د ترکیې په حکاري ولایت کې د پولیسو د تالاشۍ پر پوستې د موټر بم پر مټ چاودنه وشوه، چې په کې ۲ پولیس ووژل شول او ۱۰ تنه نور ټپيان شول.
د ترکیې چارواکو ویلي، چې په دې چاودنو کې ۱ ملکي وګړی هم وژل شوی دی.
امنیتي چارواکو د بریدونو نه وروسته په سیرت او حکاري ولایتونو کې د ترهګرو پر خلاف پراخه د پلټنې عملیات پیل شول.
ترکي چارواکو د یادونو پړه پر کردي یاغیانو یا پي کا کا باندې اچولې ده.
