کابل ټکی کام ۱۳۹۵ زمری ۷ زرغون خوږیاڼی
د دفاع وزارت له لوري په خپور شوي خبر کې ویل شوي، چې په تېرو څلورویشت ساعتونو کې د بېلا بېلو عملیاتو په ترڅ کې د ملي اردو ۵ سرتیري وژل شوي.
په خبرپاڼه کې ویل شوي، چې ملي اردو د توپچي او هوایي قوتونو په مرسته په ننګرهار ،پروان، کاپیسا پکتیا، پکتیکا، غزني، کندهار، زابل، فراه جوزجان ، کندز ، بدخشان او هلمند ولایتونو په ځینو ولسوالیو کې په تېرو ۲۴ ساعتونو کې یو لړ عملیات تر سره کړي، په یادوعملیاتو کې ۱۹ تنه وسله وال وژل شوي ، ۱۲ تنه ټپیان او ۶ تنه نور نیول شوي دي.
بلخوا طالبانو د ملي اردو د یوې چورلکې د نسکورولو ادعا کړې او ويلي دي، چې په یاده ویشتل شوې چورلکه کې يې د کومانډويي ځواکونو ۲۲ تنو عسکرو ته مرګ ژوبل اوښتې ده.
