(کابل ټکی کام ۱۳۹۵ زمری ۱۹) الماس خدرخېل
د ترکيې ولسمشر رجب طيب اردوغان د ناکامې کودتا وروسته، خپل لومړنی سفر روسيې ته کوي، ويل کېږي چې اردوغان به د روسې ولسمشر ولاديمير پوتين سره، د نوموړي هېواد په سانت پيترزبورګ ښار کې ليدنه وکړي.
دواړه ولسمشران به په څلور بجې خبري غونډه کې ګډون وکړي او له دې وروسته به د دواړو هېوادونو ګډې سوداګريزې غونډې ته وينا کوي.
ولسمشر اردوغان د روسيې الوتکې د ويشتلو او ناکامې کودتا نه وروسته، دا لومړی ځل دی، چې د روسيې سيال ولاديميرپوتين سره ليدنه کوي، چې د ټولې نړۍ او په ځانګړې توګه د لويديځې نړۍ پام دې سفر ته اوختی.
ولسمشر اردوغان رسنيو ته وويل، چې د کودتا پر مهال د ولسمشر پوتین غبرګون د ستایلو وړ دی. ولسمشر اردوغان وویل، چې دا سفر به د ترکیې او روسیې ترمنځه نوی پيل وي.
