د بوست ساتونکو لوبډله له شپږېزې سیالیو بهر شوه
(کابل ټکی کام ۱۳۹۵زمری ۲۶) الماس خدرخېل
د کرکټ شل اوریزو شپږیزو سیالیو په لړ کې پرلپسې پنځلسمه لوبه د بست ساتونکو او امو نهنګانو ترمنځ په الکوزي کابل نړۍ وال کرکټ لوبغالي کې تر سره شوه .
د لوبې پچه بست ساتونکو لوبډلې وګټله او خپله یی د توپوهنې پرېکړه وکړه، په ټاکلو شلو اورونو کې یې د شپږو لوبغاړو په سوځېدو ۱۰۸ منډې جوړې کړې.
د امونهنګان لوبډله وتوانیده، چې ورکړل شوی هدف په څوارلسم اور کې پوره کړي، د یادې لوبډلې څخه زیاتې منډې سلمان بټ ۴۴ جوړې کړې .
د لوبې غوره لوبغاړی هم سلمان بټ وټاکل شو، چې تر ټولو زیاتې ۴۴ ناسوځېدلې منډې یې کړې وې.
د دې سیالیو دوهم پړاو چې پاتې څلور لوبډلې به پکي لوبېږي، سبا چهارشنبه ترسره کیږي، امونهنګان به د کابل بازانو او بندامیر ښاماران به د میس عینک پروړاندې سیالۍ ترسره کوي.
