ترکيه: د موټربم بريد ۲۰ پوليس او ۵۳ ملکيان ټپيان کړي
(کابل ټکی کام ۱۳۹۵زمری ۲۸) الماس خدرخېل
د ترکيې خبري رسنيو ويلي، چې د ترکيې په وان ولايت کې، د پوليسو په يو ماموريت د موټر بم بريد شوی، چې په دې پېښه کې ۱ پوليس او ۲ تنه ملکيان وژل شوي، همدارنګه په پېښه کې ۲۰ پوليس او ۵۳ ملکيان ټپيان هم دي.
پېښه د شپې ناوخته ۱۱ بجې رامينځته شوې، ويل کېږي چې چاودنه دومره زوروره وه، چې غږ يې تر لرې، لرې اولسواليو هم اورېدل شوی.
چاودنه د ایپیک یلو په سیمه کې رامينځته شوې. بم په هغه موټر کې چې د پولیسو ماموریت ته څیرمه دریدلی وو، ایښودل شوی وو.
د دې ولايت چارواکو د پېښې پړه د پي کاکا په نوم د کردانو کارګر ګوندپه يوې ډلې ور اچولې او ويلي يې دي، چې د پې کاکا ترهګرې ډلې د ایپيک یولو د پولیسو په مرکز د موټر پر مټ برید وکړ. په برید کې ۱ تن پولیس او ۲ تنه ملکي وګړي په شهادت رسیدلي او ۲۰ تنو پولیس او ۵۳ تنه ملکي وګړي ټپیان شوي دي.
