په کندز کې د ېوې اونۍ د کلابندۍ وروسته چې درې ورځې د خان آباد پر ولسوالۍ دوامداره جګړه روانه وه په ولسوالۍ کې راګيرو امنيتي دولتي ځواکونو له ولايتي چارواکو د مرستو غوښتنه وکړه او ورسره ېې داهم وويل که په بيړه مرستې راونه رسيږي ولسوالي د سقوط په حال کې ده .
همغسې وشول ولسوالي سقوط شوه خو د سرونو او سرو وينو په ورکولو سقوط شوه.
ددې سقوط وروسته د کندز ولايتي چارواکي چوپه خوله وو د رسنيوپرړواندې يي دهيڅ ډول ځواب جرئت نه شو کولاې خو دادې اوس رسنيوته ېې په مرکو کې وويل چې د خان آباد له ولسوالۍ طالب وسله وال په بشپړ توګه وويستل شول او ورسره دکندز چارواکي داهم وايي چې له ټول کندزه به طالب وسله وال واستل شي.
دسختو جګړو او مرګونو په دوام د تخارولايتي چارواکيو رسنيوته د خواجه غار د سقوط وروسته وويل چې د لنډې مودې لپاره د خواجه غار ولسوالي د مخالفینو لاسته لوېدلې وه او اوس بېرته دولتي ځواکونو نیولې ده.
دتخاروالي رسنيوسره په ويناکې تائيدکړه چې طالبانو تېره شپه شاوخوا دوه بجې د ګاونډي ولایت دشت ارچي ولسوالۍ نه پر خواجه غار برید وکړ او دا ولسوالي یې ونیوله.
هغه داهم وول طالبانو پوځي یونیفورم اغوستی و او په دولتي پوځي موټرو کې ېې پر خواجه غار ولسوالۍ بريد وکړ چې بالاخره ېې ونيوله
داچې طالب وسله والو بوځي يونفيورم به تن کړې و او که ېې سپينۍ پګړۍ تړلې وې خو ولسوالي ېې ونيوله …
بدبختي داده چې ديوې ولسوالې په سقوط اويا بيا لاس ته راوړلوسره مرګ ژوبله پاې ته نه رسيږي.
د تخارولايت څخه دترلاسه شوو راپورونوپه اساس اوسمهال هم په خواجه غارکې د دولتي ځواکونو او طالبانو ترمنځ جګړه روانه ده
داچې دخواجه غار ولسوالې دسقوط اوبيا لاسته په راوړلو به د دواړو خواو څومره مرګ ژوبله شوې وي کره معلومات په لاس کې نشته خو دځايي خلکو په وينا دواړو خواو ته زياته مرګ ژوبله اوړيدلې ده .
ددې ترڅنګ دننګرهار په ولايت کې دحصارک پر ولسوالۍ هم تردرې ورځو زياته جګړه روانه وه د ولسوالې د ودانيوسره سره خواو شا کلو او کورونوته هم تاوانونه واړول شول .
دولسوالۍ ودانې ته څيرمه خلکو دجګړو له ويره نورو سيموته کډې وکړې چې تراوسه د ولسوالۍ پرسر دنورو جګړو له ويرې خپلو کورونو ته نه دي راغلي.
دننګرهار ولايت دحصارک د ولسوالۍ دسقوط اوبيا پرۍ دطالباسره دجګړې دوام چې د دولت لخوا پرې دمځکې او هوا دلارې بريدونه دوام لري څرنګه به پکې ملکې وګړو ته تاوان ونه رسيږي يواځې دملکې وګړو تاوان نه بلکه دواړو خواو ته پکې مرګوني تاوانونه ورسيدل او لا جګړه کراره نده .
دولسواليوسقوط اوبيانيول دافغانانو دمرګ ژوبلې لپاره يوه بله بڼه ورکړل شوه ياخو د دوه ګونې حکومت دمشرانو ژور اختلافات دي ، يا دامنيتي پوځونودمسئولينوترمنځ دبې باورۍ وروستۍ شيبې، او ياد دطالب وسله والو پردولت دفشار زياتوالې .
ددې درې واړو لاملو ترڅنګ يوشمير کتونکي پدې باوردي چې افغانان طالبان دي او که د دولت ترقوماندې لاندې پوځ دواړه په ټوله کې افغانان دي د ولسوالۍ په پريښودل او بيا وروسته دنيولو لپاره ټول هوايي او ځمکني امکانات برابرول دا معنى ورکوي چې افغانان دې ووژل شي ترڅو دسيمې اوګاوانډيو په مقابل کې د پښو د ودريدو له توان ولويږي چې نه دولت دباريکۍ ته سوچ کوي او نه طالبان دواړه خپله خپله خبره سر کوي خو ترمنځ ېې دامظلوم او بې ګناه ولس په خپلو وينوولامباوه .
دانده څرګنده چې دا دولسواليوسقوط او بيانيولوبڼه اولوبه ، به ترکومه پورې دافغان ولس په مرګونو دوام وکړي.
