(کابل ټکی کام ۱۳۹۵ وږی ۶) زرغون خوږیاڼی
د پاکستان حکومت اعلان وکړ، چې افغان محصلینو ته په روان تعلیمي کال کې ۲ زره بورسونه ورکوي.
تېره ورځ د پاکستان د سرحدي سیمو وزیر رسنیو ته وویل، چې پاکستان د افغان محصلینو لپاره سږني کال کې ۲ زره بورسونه ورکوي، ده وویل، چې د پاکستان په مختلفو پوهنتونو کې د طب او انجینرۍ څانګو سربیره په یو شمیر نورو څانګو کې افغانانو ته ۲زره بورسونه ځانګړي شوي دي.
د یادو محصلینو ټول مصارف به د پاکستان حکومت په غاړه وي.
وزیر دا هم وویل، چې پاکستان به د افغان محصلینو لپاره د زده کړو تر پای پورې وېزې تمدید کړي
اوسمهال په پاکستان کې ۷ زره افغان محصلین په خپل شخصي لګښت پر زده کړو بوخت دي.
د کابل. کام څخه مننه ….. خو د پاکستان دولت ته وایم چې تاسو په هغو تیرو ژمنو چیرته وفا وکړه چې اوس به پر دغو نورو افغانان دوکه کوۍ ؟ د سکالر شیپو لپاره به مو په خوارو محصلینو فارمونه ډک کړل بیا به په ۲۰۰۰ کې ۱۰ محصلینو ته هم نه ورکول کیدل