(کابل ټکی کام وږی۱۰) زرغون خوږیاڼی
د داعش وسله والې ډلې ویاند العدناني د سوريې په حلب ښار کې وژل شوی، ویل کیږي چې د داعش ډلې مشر بغدادي نه وروسته العدناني ددې ډلې تر ټولو لوړ پوړی قومندان و.
داعش وسله والې ډلې پورې اړوند د اعماق خبري اژانس تائيد کړې، چې ددوی ویاند ابو محمد العدناني په حلب ښار کې وژل شوی.
تر اوسه دا نه ده معلومه چې عدناني په هوايي که ځمکني بریدونو کې وژل شوی؛ خو ویل کیږي چې دا به د امریکا په هوايي برید کې وژل شوی وي.
عدناني ددغې ډلې تر ټولو سخت دریځی قومندان و، ده په افغانستان(خراسان) کې د ټولو جهادي ډلو په خلاف فتواوې ورکولې او خپل پلویان یې ددوی عام وژلو ته هڅول.
