(کابل ټکی کام ۱۳۹۵وږی ۱۰) الماس خدرخېل
طالبانو کابل ټکي کام ته په يو رالېږل شوې خبر کې ويلي، چې نن چهارشنبه سهار مهال د دوی پلويانو د بغلان ولايت پلخمري ولسوالۍ د ډنډ شهاب الدين سيمه کې په افغان امنيتي پوستو او بيسونو بريدونه پيل کړي دي.
طالب وياند زياتوي چې په يادو بريدونو کې يې د امنيتي ځواکونو ۳ مهم بيسونه نيولي او د ۵ تنو عسکرو د وژلوترڅنګ يې لسګونه تنه نور ټپيان کړي هم دي.
د دوی په وينا، چې د ډنډي شهاب الدين اړوند بالادوري سيمه کې يې د کندوز-کابل لويه لاره د افغان امنيتي ځواکونو پرمخ تړلې او دوی نه شي کولی چې په سيمه کې خپل تحرکات ترسره کړي
د يادونې ده، چې يوه نيمه مياشت وړاندې طالبانو د هلمند ولايت مرکز لښکرګاه او کندهار لويه لار د نهر سراج يکلنګ او نورو سيمو کې د افغان امنيتي ځواکونو پر مخ تړلې چې لا هم ياده لاره د طالبانو په ولکه کې ده.
