(کابل ټکی کام ۱۳۹۵ وږی ۱۱) زرغون خوږیاڼی
طالبانو نن سهار وختي د لوګر ولایت د څرخ ولسوالۍ په مرکز د موټر بم برید کړی، وروسته ددوی ځواکونو د ولسوالۍ پر ودانۍ ډله اییز برید پیل کړ، چې تر اوسه جګړه دوام لري.
د طالبانو ویاند ویلي، چې په یادو بریدونو کې یې د څرخ ولسوالۍ ولسوال او ددې ولسوالۍ امنیه قومندان وژلي دي، ویاند وايي، چې دولسوالۍ ۴۱ ساتونکي عسکر او پولیس هم وژل شوي دي.
د لوګر د والي ویاند سلیم صالح د پژواک خبري اژانس ته وویل، چې دا برید نن سهار په شاوخوا ۵ بجو پیل شوی دی.
هغه زیاته کړه، چې یوه سرتیري بریدګر له چاودیدونکو توکو ډک موټر د ولسوالۍ له ودانۍ سره جنګولی او چاودنه یې کړې ده.
د صالح په وینا، تر چاودنې وروسته نورو بریدګرو پر ولسوالۍ بریدونه پیل کړي او جګړه روانه ده.
د والي ویاند وویل ، چې پولیس په جګړه بوخت دي او تر اوسه د مرګ ژوبلې په اړه معلومات نشته.
نور جزئيات وروسته…
