د دوستم ګوند په شهرارا تپه کې د کلکاني د تدفین اجازه نه ورکوي
(کابل ټکی کام ۱۳۹۵ وږی ۱۱) زرغون خوږیاڼی
د عبدالرشید دوستم اړوند ملیشو د شهرارا تپه محاصره کړې ده، دوی وايي په دې ځای کې د حبیب الله کلکاني د بیا دفن کولو لپاره اجازه نه ورکوو.
د د جنبش ګوند یو ویاند کنشکا ویلي، چې په دې ځای کې د کلکاني د بیا دفن کولو لپاره به ازبکان په هیڅ صورت کې اجازه ورنکړي، دوی وايي، چې د شهرارا تپه ددوی نیکونو پورې مربوط ده.
که حکومت دا کار وکړي:((مونږ به یې بېرته له خاورو راوباسو)).
ویاند زیاتوي، چې دوی د کلکاني او دده د افرادو په بل ځای کې د بیا دفن کولو سره هیڅ ستونزه نه لري.
بلخوا افغان ولس په پلازمینه کې یاده تپه د کلکاني په نوم کولوسره مخالفت لري؛ خو اجرائيه ریاست وايي دا د خلکو غوښتنه ده چې کلکاني دې په شهرارا تپه کې دفن شي.
د کلکاني پلویان وايي، چې د وږي تر ۱۳ نیټې پورې به دکلکاني د بیا تدفین مراسم جوړوي او په پلازمینه کې د شهرارا تپه به دده په نوم کوي.
تر اوسه پورې ارګ په رسمي توګه د کلکاني د بیا تدفین د ځای په اړه څه نه دي ویلي.
داسې هم ویل کیږي، چې د حبیب الله کلکاني پلویانو د شهرارا تپې نه وروسته د کابل ښاروالۍ اړوند د کلوله پشته تپې ته مخه کړې ده او غواړي چې د کلکاني مبهم جسد دغلته دفن کړي.
د امان الله خان په واکمنۍ کې چې کله امان الله خان د اروپا په سفر وو، کلکاني ارګ محاصره کړ او امان الله خان یې استعفا ته اړ کړ.
