سوريه: د اسد ځواکونو د امريکا يوه الوتکه رانسکوره کړې
(کابل ټکی کام ۱۳۹۵وږی ۳۰) الماس خدرخېل
د سوريې په ديرالزور ښار کې د بشارالاسد ځواکونو د امريکا متحده ايالاتو اړوند يوه بې پيلوټه الوتکه رانسکوره کړې ده.
د ايران پرس خبري کانال ويلي، چې ياده بې پيلوټه الوتکه يې د ديرالزور جبل الطرد په سيمه کې ويشتې ده.
د امريکايې ځواکونو اړوند الوتکه داسې مهال ويشتل کېږي، چې تېره اونۍ په همدې سيمه کې امريکايي جنګي الوتکو د بشارالاسد په عسکري قرارګاوو هوايي بريدونه وکړل، چې پکې ۶۲ د اسد پلوي سرتيري پکې ووژل شول او لږ تر لږه ۱۰۰ تنه نور يې ټپيان شول.
