روزګان: د محلي پوليسو مشر نورمحمد په ګډون ۲۵ عسکر وژل شوي
(کابل ټکی کام ۱۳۹۵تله ۲) الماس خدرخېل
کابل ټکی کام ته طالبانو په يوه رالېږلې خبرپاڼه کې ويلي، چې د دوی پلويانو د روزګان مرکز ترينکوټ د چولنګر په سيمه کې د افغان امنيتي ځواکونو سره سخته جګړه کړې، چې په ترڅ کې يې ۲۵ دولتي سرتيري وژلي او ۷ تنه نور يې ژوندي نيولي دي.
په خبرپاڼه کې ويل شوي، چې په سيمه کې د محلي پوليسو لومړنی کس او مشر قومندان نورمحمد يې هم وژلی.
طالبان وايي په دې نښته کې يې د امنيتي ځواکونو ۳ شوبلې هم ويجاړې کړي دي.
د يادونې ده، چې په دې وروستيو کې د روزګان په مرکز کې د طالب وسلوالو او دولتي ځواکونو تر منځ جګړه بيا توده شوې ده.
