روسيې د جګړې لپاره سوريې ته نورې الوتکې استولي
(کابل ټکی کام ۱۳۹۵تله ۱۰) الماس خدرخېل
د سرچينو له قوله روسيې يو شمېر جنګي الوتکې سوريې ته استولي، ويل کېږي په دې الوتکو کې سوخو ۲۴ او سوخو ۳۴ ډوله جنګي الوتکې شاملې دي، چې د سوريې نظامي اډې ته رسېدلي دي.
ايزوستيا ورځپاڼې د روسي چارواکو له قوله ليکلي، چې يادې الوتکې به په سوريه کې د داعش وسلوالو پر ضد جګړه کې برخه واخلي.
په ورته وخت کې ځينې روسي چارواکو دغه هېواد ته د جنګي الوتکو لېږل د امريکا له لوري د شوي اوربند څخه سرغړونه بولي.
بل پلو امريکا او متحدينو يې په حلب ښار د روسي الوتکو بمباري يو جنايت بللی او د بندېدو غوښتنه يې کړې ده.
بايد وویل شي، چې په سوريه کې د بشارالاسد له حکومته روسي ځواکونه ملاتړ کوي.
