ننګرهار: سعودي عربستان د ۵میلیونه ډالرو په ارزښت د روغتون جوړیدو ډبره کیښودله
(کابل ټکی کام ۱۳۹۵ تله ۱۰) زرغون خوږیاڼی
د چارواکو په وینا د سعودي عربستان چې ۵ میلونه ډالر او هندوستان چې د دوه نیم میلونه ډالرو په مالي مرستو سره په ننګرهار ولایت کې د لسو روغتیايي پروژو ډبره کیښودل شوه.
د عامې روغتيا وزير ویلي، په دغو پروژو کې د فاطمه الزهرا ،نسايي ولادي روغتون او طبي علومو انستيتوت ودانۍ،په شيرزادو، حصارک،رودات او هسکې مېنې ولسواليو لپاره پنځوس بستريز روغتونونه شامل دي.
په ننګرهار کې نن سعودي عربستان د ۵ میلونه ډالرو په مالي مرسته د دغه ښار په شپږمه حوزه کې د خالص بابا د نجم الجهاد فامیلۍ تر څنګ د روغتون او نرسنګ( د بي بي فاطمة الزهرا نسايي ولادي روغتون) د جوړیدو د بنسټ ډبره کیښودل شوه.
د سیمې نه د کابل ټکی کام خبریال خبر راکوي چې د سعودي عربستان او د هند سفیران د ننګرهار خالص بابا فامیلۍ کې د یاد روغتون سیمې څخه لیدنه وکړه او رسما یې د روغتون د پرانیستې ډبره کیښودله.
په ورته وخت کې په افغانستان کې د سعودي عربستان سفير وايي،هېواد يې له افغانستان سره په بېلابېلو برخو کې مرستې کړي او ټينګار يې وکړ چې لا به هم خپلو مرستو ته دوام ورکړي.
